Şu gün Türkmenistanyň Senagatçylar we telekeçiler partiýasynyň mejlisler jaýynda Türkmenistanyň Senagatçylar we telekeçiler partiýasynyň Aşgabat şäher komitetiniň hem-de Aşgabat şäher Halk maslahatynyň bilelikde gurnamagynda “Berkarar döwletiň täze eýýamynyň Galkynyşy döwründe ýurdumyzyň ösdürilmegine gönükdirilen başlangyçlary” atly maslahat geçirildi. Maslahatyň dowamynda çykyş edenler her bir güni taryhy wakalara beslenýän Berkarar döwletiň täze eýýamynyň Galkynyşy döwründe agzybirligi, jebisligi ýaran edinip, halal zähmetden rysgal-bereket tapmagyň nusgasyny görkezýän halkymyz eşretli durmuşyň hözirini görýändigi barada gürrüň edip, Arkadagly Serdarymyzyň taýsyz tagallasy bilen durmuşa geçirilýän işler halkymyzyň şu günki bagtyýar durmuşynyň röwşen ertirlerde dowamat-dowam boljakdygynyň aýdyň nyşany bolup dabaralanýar, diýip buýsanç bilen bilen belläp geçdiler. Maslahatyň ahyrynda oňa gatnaşanlar Türkmen halkynyň eşretli durmuşda ýaşamagy, Watanymyzyň dünýädäki at-abraýynyň has-da beýgelmegi üçin nusgalyk işleri durmuşa geçirýän Arkadagly Serdarymyzyň, Gahryman Arkadagymyzyň janlarynyň sag, ömürleriniň uzak, tutumlarynyň rowaç bolmagyny tüýs ýüreklerinden arzuw etdiler.