Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda Senagatçylar we telekeçiler birleşmesiniň welaýat bölüminiň mejlisler jaýynda “Milli demokratik ýörelgeleri” atly maslahat geçirildi. Hormatly Arkadagly Serdarymyzyň parasatly ýolbaşçylygynda ýaşlaryň ýagty gelejegi ugrunda edilýän aladalar, asuda parahat döwletimizde milli demokratiýamyzyň dabaralanmagy barada buýsançly gürrüňler etdiler. Şeýle-de Hormatly Arkadagly Serdarymyzyň halkara dost-doganlyk gatnaşyklaryna berýän uly ünsi, ýurdumyzyň içeri we daşary syýasaty, asuda diýarymyzyň ylalaşdyryjy merkez hökmünde ýurdumyzyň dünýä orenasyndaky mynasyp orny barada gürrüňler edildi. Ýaşlary telekeçilik işlerinde goldamak ýaly derwaýys meseler barada hem durulyp geçildi. Hormatly Arkadagymyza, halkyň Milli Liderine, Arkadagly Serdarymyza döredip berýän ähli mümkinçiliklerine hoşallyk we alkyş sözlerini aýtdylar. Hormatly Arkadagymyzyň, Arkadagly Serdarymyzyň ömürleriniň dowamat-dowam bolmagyny arzuw etdiler.