Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda “Dost-doganlyk gatnaşyklarynyň mizemez binýady” atly düşündiriş-wagyz çäresi geçirildi. Ýer ýüzünde parahatçylygyň, dost-doganlygyň hem-de ynanyşmagyň belent nusgasyny görkezýän ata Watanymyz özüniň alyp barýan daşary syýasatynda hemişelik Bitaraplyk hukuk ýagdaýynyň kadalaryndan ugur alýar. Ýurdumyzyň başlangyjy esasynda, Birleşen Milletler Guramasynyň birnäçe kararnamalary kabul etmegi Bitarap Türkmenistanyň ählumumy başlangyçlarynyň Ýer ýüzünde uly ähmiýete eýedigini aňladýar. Dünýäniň parahatlygy hem-de abadançylygy üçin beýik işleri durmuşa geçirýän Arkadagly Serdarymyzyň, Gahryman Arkadagymyzyň janlary sag, ömürleri uzak bolsun!