Türkmenistanyň Senagatçylar we telekeçiler partiýasynyň Balkan welaýat komitetiniň gurnamagynda Bereket etrabynyň 19-njy orta mekdebiniň mejlisler  jaýynda “Hormatly Prezidentimiziň baştutanlygynda belent maksatly işler durmuşa ornaşdyrylýar ” atly maslahat geçirildi.

Maslahatyň dowamynda oňa gatnaşanlar Hormatly Prezidentimiziň öňdengörüjilikli döwlet syýasaty arkaly durmuşymyzyň ähli ulgamlaryny gurşap alan giň gerimli özgertmeleriň çäklerinde milli ykdysadyýetimiziň hususy bölegini hemmetaraplaýyn goldamagyň aýratyn ileri tutulýan ugurlaryň biri bolup durýandygy barada söhbet etdiler. 

Maslahata gatnaşyjylar  Arkadagly Serdarymyza, Gahryman Arkadagymyza alkyş sözlerini aýtdylar.