2022-nji ýylyň  6-njy iýulynda  Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda  Senagatçylar we telekeçiler birleşmesiniň Lebap welaýaty boýunça bölüminiň mejlisler jaýynda “Döwrebap halkara hyzmatdaşlyk dost-doganlygyň şuglasy” atly maslahat geçirildi. 

    Maslahatda çykyş edenler Hormatly Prezidentimiziň ýolbaşçylygynda Berkarar döwletiň täze eýýamynyň Galkynyşy döwründe ýurdumyzyň her bir güni şanly wakalara beýik ösüşlere beslenýär. Ýakynda paýtagtymyzda geçirilen Hazarýaka döwletleriň Baştutanlarynyň altynjy sammitine dostluk, ynanyşmak ruhunyň mahsus bolandygyny belläp geçdiler. Hormatly Prezidentimiz sammitde eden çykyşynda Hazar deň­zini “Mümkinçilikleriň deňzi” diýip atlandyrmagyň hakykata laýykdygyna ünsi çekmek bilen, geljekde Hazaryň şeýle ähmiýetiniň has-da artjakdygyna ynanýandygyny belledi. Hazar deňzinde bäştaraplaýyn hyzmatdaşlygyň wajyp ugurlary, möhüm halkaradyr sebit meseleleri ara alnyp maslahatlaşylan ýokary derejeli duşuşyk türkmen topragynyň dünýäniň ykbalyna diňe haýyr işler bilen dahyllydygyny ýene bir gezek görkezdi. Hazar sammiti ylalaşygyň we Hazar deň­ziniň meseleleriniň özara kabul ederlikli çözgütlerini işläp taýýarlamagyň ugurlaryny kesgitlän ilkinji ýokary derejeli duşuşyk hökmünde taryha girdi diýip buýsançly aýtdylar hem-de Garaşsyz Diýarymyzyň at abraýyny dünýä ýaýmakda, dost-doganlyk gatnaşyklaryny pugtalandyrmakda alyp barýan uly işleri üçin Gahryman Arkadagymyzyň, Arkadagly Serdarymyzyň janynyň sag, ömrüniň uzak, tutumly işleriniň rowaç bolmagyny arzuw etdiler.