2022-nji ýylyň 5-nji martynda Türkmenistanyň Senagatçylar we telekeçiler partiýasynyň Lebap welaýat komitetiniň hem-de Türkmenistanyň Senagatçylar we telekeçiler birleşmesiniň Lebap welaýaty boýunça bölüminiň bilelikde  gurnamagynda, birleşmäniň mejlisler jaýynda Gahryman Arkadagymyzyň halkymyza sowgat beren “Abadançylygyň röwşen gadamlary” atly täze kitabynyň tanyşdyrylyş dabarasy geçirildi. Geçirilen bu dabarada çykyş edenler Berkarar döwletimiziň bagtyýarlyk döwründe badalga alan “Halkyň Arkadagly zamanasy” ýylynyň her güni, her aýy şanly wakalara beslenýär. Ýurdumyzyň diplomatik işgärleriniň hünär baýramynyň giňden bellenilýän güni Hormatly Prezidentimiziň “Abadançylygyň röwşen gadamlary” atly täze kitabynyň halkymyza gowuşmagy hem üstümizdäki ýylyň taryhy wakalarynyň üstüni ýetirdi. Garaşsyzlygymyzyň otuz ýyldan gowrak döwrüniň içinde ýurdumyz ykdysadyýetde, ýaşaýyş-durmuş ulgamynda uly üstünlikleri gazandy, belent sepgitlere ýetdi. Bu gymmatly eserde ýurdumyzy ösdürmegiň dürli meseleleri, daşary syýasat, ykdysadyýet, medeniýet, ylym we beýleki ugurlar boýunça milli Liderimiziň öňe süren parasatly pikirleri, oňyn teklipleri, dünýäniň meşhur habar beriş serişdeleriniň wekilleri bilen guran söhbetdeşlikleri öz beýanyny tapýandygyny  nygtap, şeýle ilhalar kitaby sowgat edendigi üçin Gahryman Arkadagymyza alkyş sözlerini aýtdylar hem-de   Arkadag  Prezidentimiziň jany sag, ömri uzak, tutumly işleri  rowaç bolmagyny arzuw etdiler.