Şu gün “Ussat Inžener” hususy kärhanasynyň edara binasynyň mejlisler jaýynda Türkmenistanyň Senagatçylar we telekeçiler partiýasynyň Aşgabat şäher komitetiniň gurnamagynda, ýurdumyzda sanly ykdysadyýete geçmek boýunça alnyp barylýan işler dogrusynda “Sanly ykdysadyýete tarap möhüm ädimler” atly duşuşyk geçirildi.

Maslahatyň dowamynda oňa gatnaşanlar Hormatly Prezidentimiziň taýsyz tagallalary netijesinde, bu gün ýurdumyzda milli ykdysadyýetimizi diwersifikasiýalaşdyrmak, elektron senagatyny ösdürmek, maglumat-aragatnaşyk tehnologiýalarynyň soňky gazananlaryna esaslanýan ösen ykdysadyýeti kemala getirmek, innowasion, ýokary tehnologiýaly, bäsleşige ukyply sanly ykdysadyýeti ösdürmek boýunça netijeli işleri amala aşyrylýandygy barada gürrüň etdiler.

Çykyş edenler maslahatyň ahyrynda Hormatly Prezidentimiziň  il-ýurt bähbitli bütin adamzat ähmiýetli alyp barýan işleriniň hemişe rowaç bolmagyny tüýs ýürekden arzuw etdiler.