2021-nji ýylyň 4-nji noýabrynda Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda, Türkmenistanyň Senagatçylar we telekeçiler birleşmesiniň welaýat bölüminiň  mejlisler jaýynda ýurdumyzda telekeçiligi mundan beýläk-de ösdürmek maksady bilen, bu ugurda kanunçylygy kämilleşdirmek boýunça Türkmenistanyň Mejlisiniň deputatlarynyň gatnaşmagynda “Beýik ynam bilen” atly maslahat geçirildi. Geçirilen bu maslahatda çykyş edenler öz çykyşlarynda Berkarar döwletimiziň bagtyýarlyk döwründe Gahryman Arkadagymyzyň saýasynda türkmen telekeçileriniň ýeten beýik sepgitleri gazanan üstünlikleri buýsanmaga mynasypdyr diýip belläp geçdiler. 

Maslahatyň barşynda telekeçiler mundan beýläk hem  telekeçilik işiniň ilerlemegi, kanunçylygyň kämilleşmegi üçin öz tekliplerini aýtdylar, ara alyp maslahatlaşdylar hem-de bize şeýle mümkinçilikleri döredip beren Gahryman Arkadagymyzyň jany sag ömri uzak tutumly işleriniň rowaç bolmagyny arzuw etdiler.