Türkmenistanyň Senagatçylar we telekeçiler partiýasynyň Aşgabat şäher komitetiniň hem-de Halkara senagatçylar we telekeçiler uniwersitetinde Ýaşulularyň halkara güni mynasybetli tegelek stoluň başyndaky söhbetdeşlik gurnaldy. Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň baştutanlygynda döwrümiziň her bir güni şanly wakalara, belent dabara beslenýär. Ýurdumyzda giňden bellenilýän Halkara ýaşulular güni hem asylly däplerimiziň, nesilden-nesle geçip gelýän ýaşuly sarpasynyň ýene bir ýola dabaralanýandygynyň aýdyň şaýadydyr. «Ýaşulularyň göreldesi- nesilleri ýörelgesi» diýen jümlede çuňňur manylar gizlenendir. Ömür ýollary zähmete, mertlige we il-gün bähbitli işlere beslenen mähriban ýaşulularymyz jemgyýetimiziň berk sütüni, paýhas çeşmesidir. Olaryň durmuş tejribesi, öwüt-nesihatlary ýaş nesilleri watansöýüjilik, agzybirlik, zähmetsöýüjilik we adamkärçilik ruhunda terbiýelemekde gymmatly mekdep bolup hyzmat edýär. Häzirki wagtda Berkarar döwletiň täze eýýamynyň Galkynyşy döwründe ata-babalardan galan asylly ýörelgeler döwlet derejesinde dowam etdirilýär. Gahryman Arkadagymyzyň hem-de Arkadagly Gahryman Serdarymyzyň taýsyz tagallalary arkaly ýaşulularymyza aýratyn hormat goýlup, olaryň abadan we bagtyýar durmuşda ýaşamagy, saglygyny goramaklary üçin giň mümkinçilikler döredilýär. Söhbetdeşligiň ahyrynda ýaşulularymyza aýratyn sarpa goýýan, olaryň döwrebap we abadan durmuşda ýaşamagy, kämil nesil terbiýelemegi ugrunda uly aladalar edýän türkmen halkynyň Milli Lideri Gahryman Arkadagymyza hem-de hormatly Prezidentimiz Arkadagly Gahryman Serdarymyza çuňňur hoşallygyny beýan etdiler!