Türkmenistanyň Halk Maslahatynyň, Türkmenistanyň Mejlisiniň, Türkmenistanyň Senagatçylar we telekeçiler partiýasynyň bilelikde gurnamagynda «Halk Maslahaty: döwletli çözgütler abadan durmuşyň binýadydyr» atly maslahat geçirildi. Hormatly Prezidentimiziň baştutanlygynda berkarar Watanymyzda amala aşyrylýan giň möçberli özgertmeler, ýurdumyzyň ykdysady, syýasy we medeni kuwwatyny yzygiderli pugtalandyrmaga gönükdirilendir. Hormatly Prezidentimiziň öňdengörüjilikli syýasaty halkymyzyň bähbitlerini goramaga, ýaşaýyş-durmuş derejesini barha ýokarlandyrmaga we jemgyýetimizde agzybirligi durnukly esasda berkitmäge durnukly şert döredilýär. Halk Maslahaty türkmen döwletliliginiň asylly ýörelgelerini, halkara hem-de içeri syýasatymyzyň esasy ugurlaryny özünde jemleýän belent münberdir. Geçirilen bu maslahat çäresinde ýurdumyzda kabul edilýän döwletli çözgütleriň, öňdengörüjilikli kanunlaryň we maksatnamalaryň ähmiýeti giňden düşündirildi. Maslahatyň dowamynda halkymyzyň bagtyýar durmuşy, ýurdumyzyň abadanlygy we rowaçlygy ugrunda alada edýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza çäksiz hoşallyklaryny beýan etdiler.