Türkmenistanyň Senagatçylar we telekeçiler partiýasynyň, Türkmenistanyň Senagatçylar we telekeçiler birleşmesiniň bilelikde gurnamagynda «Türkmenistanyň Halk Maslahatynyň nobatdaky mejlisi – eziz Watanymyzy hemmetaraplaýyn ösdürmegiň baş maksady» atly maslahat duşuşygy geçirildi. Maslahat duşuşygy ýurduň syýasy-ykdysady ösüşinde hususy pudagyň eýeleýän möhüm ornuny hem-de Halk Maslahatynyň nobatdaky mejlisiniň wajyplygyny beýan etmäge bagyşlandy. Maslahatyň esasy ugury, Halk Maslahatynyň nobatdaky mejlisine taýýarlyk görmek, durnukly ösüşi üpjün etmekde öňde durýan baş maksatlary maslahatlaşmak we olary giň jemgyýetçilige ýetirmek. Ýurtda öndürilýän önümleriň mukdaryny we görnüşlerini artdyrmak, eksport mümkinçiliklerini giňeltmek hem-de hususy başlangyçlary goldamak arkaly milli ykdysadyýetiň bäsleşige ukyplylygyny ýokarlandyrmak dogrusynda boldy. Maslahatyň soňunda oňa gatnaşyjylar hususy pudagyň ösmegine giň mümkinçilikleriň döredilmegine aýratyn üns berýän Türkmen halkynyň Milli Lideri Gahryman Arkadagymyza we Hormatly Prezidentimize çäksiz sagbolsun hem-de hoşallyk sözlerini beýan etdiler.