Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda, Lebap welaýat Maliýe-ykdysadyýet orta hünär okuw mekdebiniň mejlisler jaýynda talyp ýaşlaryň gatnaşmagynda «Gahryman Arkadagymyzyň, Arkadagly Gahryman Serdarymyzyň ylym-bilim syýasaty — ýaşlaryň kämillik we ösüş ýoly!» atly maslahat duşuşygy geçirildi. Bu maslahat Gahryman Arkadagymyzyň Bilimler we talyp ýaşlar gününde geçiren umumy okuw sapagynda öňe süren parasatly nesihatlaryny, ylym-bilim syýasatyny hem-de ýaş nesli terbiýelemekdäki wajyp wezipeleri giňden wagyz etmek maksady bilen geçirildi. Maslahata gatnaşyjylar Gahryman Arkadagymyzyň we Arkadagly Serdarymyzyň janlarynyň sag, ömürleriniň uzak, il-ýurt bähbitli beýik işleriniň mundan beýläk hem rowaç bolmagyny tüýs ýürekden arzuw etdiler.