Türkmenistanyň Senagatçylar we telekeçiler partiýasynyň Lebap welaýatynyň Saýat etrap komitetiniň we etrap häkimliginiň bilelikde gurnamagynda, Saýat etrabynyň Sakar şäherçesiniň medeniýet öýüniň mejlisler jaýynda bilim işgärleriniň, il sylagly ýaşulylaryň we partiýa agzalarynyň gatnaşmaklarynda wagyz-nesihat ýygnagy geçirildi.

Çäräniň dowamynda türkmen halkynyň Milli Lideri, Gahryman Arkadagymyzyň, Arkadagly Gahryman Serdarymyzyň ýolbaşçylygynda Şanly Garaşsyzlygymyzyň ýetip gelýän 35 ýyllyk toýuna görülýän taýýarlyk işleri, Garaşsyzlygyň türkmen halkyna beren egsilmez bagty we ýaşlarymyzyň röwşen gelejegi üçin aýratyn ähmiýeti barada buýsançly gürrüňler edildi. 

Çärä gatnaşyjylar Gahryman Arkadagymyza we Arkadagly Gahryman Serdarymyza döredip berýän ähli mümkinçiliklerine öz sagbolsun sözlerini aýtdylar. Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, tutumly işleriniň mundan beýläk-de rowaç bolmagyny arzuw etdiler.