Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda welaýat medeniýet müdirliginiň mejlisler jaýynda Lebap welaýat partiýa komitetiniň işgärleriniň, işjeň agzalarynyň gatnaşmaklarynda «Dost-doganlyk hyzmatdaşlygy – umumy  abadançylygyň bähbidine yzygiderli ösdürilýär» atly maslahat duşuşygy geçirildi.

Maslahatda çykyş edenler Gahryman Arkadagymyzyň, Arkadagly Gahryman Serdarymyzyň parasatly ýolbaşçylygynda ýurdumyzda günsaýyn berkeýän dost-doganlyk gatnaşyklary, goňşy ýurtlar bilen ýola goýulan medeni we syýasy gatnaşyklar barada buýsançly gürrüňler edildi. Bu ugurda Hormatly Prezidentimiziň halkara dost-doganlyk gatnaşyklaryna berýän uly ünsi, ýurdumyzyň içeri we daşary syýasaty, asuda diýarymyzyň ylalaşdyryjy merkez hökmünde ýurdumyzyň dünýä arenasyndaky mynasyp orny barada durlup geçildi. 

Ýygnagyň ahyrynda partiýanyň işjeň agzalaryna TSTP-niň Lebap welaýat komiteti tarapyndan sowgatlar gowşuryldy. 

Gahryman Arkadagymyza, Arkadagly Gahryman Serdarymyza döredip berýän ähli mümkinçiliklerine öz sagbolsunlaryny aýtdylar. Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, tutumly işleriniň mundan beýläk-de rowaç bolmagyny arzuw etdiler.