Şu gün Saýat etrabynyň Sakar şäher medeniýet öýünde, Türkmenistanyň Senagatçylar we telekeçiler partiýasynyň Lebap welaýatynyň Saýat etrap komitetiniň we etrap häkimliginiň, etrap medeniýet bölüminiň bilelikde gurnamagynda, ýurdumyzyň şanly Garaşsyzlygynyň ýetip gelýän 35 ýyllyk baýramy mynasybetli «Garaşsyzlyk halkymyzyň ak bagty – baky parahatçylygyň mizemez tagty» atly wagyz-nesihat çäresi geçirildi.

         Çärede Türkmenistanyň Senagatçylar we telekeçiler partiýasynyň Lebap welaýatynyň Saýat etrap komitetiniň, medeniýet bölüminiň we etrap häkimliginiň işgärleri çykyş etdiler. Şeýle-de geçirilen wagyz-nesihat çäresinde il sylagly ýaşulylar we kümüş saçly eneler özleriniň ýürek buýsançlaryny aýtdylar. Garaşsyzlyk ýyllarynda ýurdumyzda ýetilen sepgitler barada täsirli gürrüňler edildi. Şanly Garaşsyzlygymyzyň il-ýurt bähbitli uly ähmiýetiniň bardygyny, bu örän uly we wajyp baýramçylyga özleriniň ykjam taýynlyk görýändiklerini nygtadylar.

            Baýramçylyk çäresine gatnaşanlar ýurdumyzda zähmet çekmeklige we parahat dynç almaklyga şeýle mümkinçilikleri döredip beren Gahryman Arkadagymyza, Arkadagly Gahryman Serdarymyza alkyş we hoşallyk sözlerini aýtdylar. Olaryň janlarynyň sag, ömürleriniň uzak, tutumly işleriniň mundan beýläk-de rowaç bolmagyny arzuw etdiler.