Şu gün Türkmenistanyň Senagatçylar we telekeçiler partiýasynyň Balkan welaýatynyň Bereket etrap komitetiniň gurnamagynda Balkan welaýatynyň Bereket etrabynyň Çeper halyçylyk kärhanasynyň mejlisler jaýynda «Parahatçylyk geljege iň mukaddes mirasdyr» atly wagyz-nesihat çäresi geçirildi.

Ýurdumyz tarapyndan sebit we dünýä ähmiýetli möhüm meseleler boýunça anyk garaýyşlaryň beýan edilmegi, ählumumy howpsuzlyga, durnukly ösüşe esaslanýan döredijilikli başlangyçlaryň we teklipleriň öňe sürülmegi netijeli häsiýeti bilen tapawutlanýar. Bu ugurdaky tagallalary dünýä bileleşigi, ilkinji nobatda bolsa, Birleşen Milletler Guramasy arkaly birleşdirmäge aýratyn uly ähmiýet berilýär. Ýeri gelende aýtsak, parahatçylyk, ählumumy howpsuzlyk we durnukly ösüş ýörelgelerine eýerýän Garaşsyz, hemişelik Bitarap döwletimiz bu abraýly halkara guramanyň ýakyn hyzmatdaşydyr. 

        Goý, halkymyzyň bagtyýarlygyny ähli zatlardan ileri tutýan kalby sahawatly ynsanperwer Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, döwletli işleri uly üstünliklere beslensin!