Ýakynda Türkmenistanyň Senagatçylar we telekeçiler partiýasynyň, Türkmenistanyň Senagatçylar we telekeçiler birleşmesiniň bilelikde gurnamagynda  partiýanyň mejlisler jaýynda «Hormatly Prezidentimiziň durmuşa geçirýän durmuş - ykdysady özgertmeleriniň netijesinde ýurdumyzda azyk bolçulygyny berkitmekde hususy pudagyň goşandy»  atly maslahat geçirildi.

Halkara parahatçylyk we ynanyşmak ýylynyň noýabr aýynyň ikinji ýekşenbesinde Hasyl toýunyň dabaralary ýurdumyzda ruhubelentlige we şatlyk-şowhuna beslenip, uludan bellenilýär. 

Hormatly Prezidentimiz ýurdumyzyň hususyýetçiliginiň hemmetaraplaýyn ösdürilmegine uly üns berýär. Döwlet tarapyndan döredilýän amatly şertleriň, ýeňillikleriň netijesinde hususy telekeçilikde gurlup ulanylmaga berilýän köp sanly önümçilik desgalary — iri maldarçylyk we guşçulyk toplumlary, sowadyjy ammarlar, balykçylyk hojalyklary, ýyladyşhanalar, gaýtadan işleýän kärhanalar bu günki gün halkymyzyň hyzmatynda.

Hormatly Prezidentimiziň halkymyzy dünýä bazarynda bäsleşige ukyply önümler bilen üpjün etmek babatda tabşyryklaryny berjaý etmek maksady bilen ýurdumyzyň telekeçileri irginsiz zähmet çekýärler. Döwletimiz tarapyndan döredilip berilýän mümkinçiliklerden peýdalanyp ýurdumyzyň hususyýetçileri azyk bolçulygyna uly goşant goşýarlar.

Hormatly Prezidentimiziň döredip berýän mümkinçiliklerini ýerlikli peýdalanýan, ilatymyzyň daşary ýurtlardan getirilýän önümleriň ornuny tutýan azyk önümleri bilen üpjün edýän türkmen telekeçileriniň guwanç hem buýsanç barha artýar. Ýurdumyzy bereket-bolçulygyň mekanyna öwren hormatly Prezidentimiziň we Gahryman Arkadagymyzyň adyna sagbolsunlaryny aýdýarlar.