Şu gün Türkmenistanyň Halk Maslahatynyň, Türkmenistanyň Mejlisiniň, Türkmenistanyň Senagatçylar we telekeçiler partiýasynyň, Türkmenistanyň Senagatçylar we telekeçiler birleşmesiniň bilelikde gurnamagynda partiýanyň mejlisler jaýynda «Türkmenistanyň hemişelik Bitaraplygy – parahatçylygyň we ösüşiň binýady» atly maslahat geçirildi.

Gahryman Arkadagymyzyň hem-de Arkadagly Gahryman Serdarymyzyň Bitaraplyk taglymatynyň baş maksady dünýä döwletleriniň we halklarynyň arasynda birek-birege ynanyşmagy, parahatçylygy, dost-doganlygy gazanmakdan, parahatçylyk arkaly ählumumy ösüşi üpjün etmekden ybaratdyr.

Watan — ata-babalarymyzyň bize galdyran iň uly mirasy. Bu mirasyň müňýyllyklaryň deňinden ötüp, bize gelip ýetmeginde birek-birege ynanmagyň, agzybirligiň, ula hormat, sarpa goýmak ýaly ýörelgelerimiziň orny uludyr. Sebäbi hut şu ýörelgeler gadymy toprakda parahatçylygyň höküm sürmegine şert döredipdir. Şeýlelikde, asyrlaryň dowamynda kalplarda ýaşan parahatçylyk söýüjilik, ynsanperwerlik ýaly häsiýetler halkymyzyň durmuş ýörelgesine öwrülipdir. Ajaýyp zamanymyzda bolsa hormatly Prezidentimiz we Gahryman Arkadagymyz halkymyzyň kalbynyň bezegi bolan ol ýörelgeleri dünýä açyp görkezýär. Ata-babalarymyzdan dowam edip gelýän dessurlara görä, halkymyz her bir ýeten belentden-belent sepgitlerini toý-baýramlara besleýär. Halkara parahatçylyk we ynanyşmak ýylymyz özüne siňen ýagşy arzuw-niýetler kimin rowaçlyklara beslenýär.

Dünýä ýüzünde parahatçylyk söýüjilik syýasatyny öňe sürýän hormatly Prezidentimiziň we Gahryman Arkadagymyzyň janlary sag, ömürleri uzak bolsun!