Türkmenistanyň Senagatçylar we telekeçiler partiýasynyň Lebap welaýat komitetiniň gurnamagynda Lebap welaýatynyň Maliýe-ykdysady orta hünär okuw mekdebinde tejribeli bilermenler, telekeçiler, mugallymlar tarapyndan marketing, maliýe sowatlylygy ýaly temalarda «Hususy ulgamda ýaşlaryň mynasyp orny» atly pikir alyşma duşuşygy geçirildi.

         Duşuşykda çykyş edenler Halkyň Milli Lideri, Gahryman Arkadagymyzyň, Arkadagly Gahryman Serdarymyzyň parasatly ýolbaşçylygynda ýurdumyzda ýaşlar üçin döredilýän mümkinçilikler, hususy ulgamda ýaşlaryň mynasyp orny we  bu ugurda ýaşlara bildirilýän uly ynam barada täsirli gürrüňler etdiler. 

Duşuşyga gatnaşyjylar mundan beýläk-de bedew bady bilen ösýän ýurdumyzyň batly ösüşine öz goşantlaryny goşjakdyklaryny nygtady. Gahryman Arkadagymyza we Arkadagly Gahryman Serdarymyza döredip berýän mümkinçilikleri üçin sagbolsunlaryny aýtdylar.