Türkmenistanyň Senagatçylar we telekeçiler partiýasynyň Balkan welaýat komitetiniň gurnamagynda Türkmenistanyň Senagatçylar we telekeçiler birleşmesiniň Balkan welaýat bölüminiň mejlisler jaýynda Hormatly Prezidentimiziň  türkmen halkyna peşgeş beren “Ýaşlar – Watanyň daýanjy” kitabynyň tanyşdyrylyş dabarasy geçirildi.

Hormatly Prezidentimiziň “Ýaşlar - Watanyň daýanjy” atly kitabynyň çapdan çykmagy biziň her birimiz üçin bahasyna ýetip bolmajak ajaýyp sowgat boldy. Şol bir wagtyň özünde ol türkmen ýaşlaryny, bütin halkymyzy nobatdaky täze üstünliklere ruhlandyrdy. Mähriban halkymyzyň, aýratynda ýaşlaryň ýankitabyna öwrüljek Hormatly Prezidentimiziň bu eseri ýurdumyzda öňde durýan wezipeleri amala aşyrmakda, möhüm meseleleri çözmekde ýaşlar üçin gymmatly gollanmadyr.

Dabaranyň ahyrynda oňa gatnaşyjylar Hormatly Prezidentimiziň galamynyň mundan beýläk-de ýiti bolmagyny, ajaýyp kitaplarynyň höwrüniň köp bolmagyny arzuwlap, Arkadagly Gahryman Serdarymyza alkyş aýtdylar. Milli Lidermiz Gahryman Arkadagymyzyň, Arkadagly Gahryman Serdarymyzyň janlary sag ömri uzak il ýurt bähbitli döwlet ähmiýetli alyp barýan işleri rowaçlyklara beslensin!