ПАРТИЯ ПРОМЫШЛЕННИКОВ И ПРЕДПРИНИМАТЕЛЕЙ ТУРКМЕНИСТАНА
Hormatly Prezidentimiziň öňdengörüjilikli döwlet syýasatynyň netijesinde ykdysadyýetimiziň ähli ulgamlaryny gurşap alan özgertmeleriň çäklerinde ýurdumyzda hususy telekeçiligi hemmetaraplaýyn goldamak, ösdürmek boýunça işler alnyp barylýar. ªunuň bilen baglylykda, telekeçiligiň milli ykdysadyýetimizdäki paýyny artdyrmak döwletimizde alnyp barylýan durmuş-ykdysady syýasatyň ileri tutulýan ugurlarynyň biridir. Milli Liderimiziň yzygiderli goldawynyň, ýurdumyzyň hususy önüm öndürijilerine döredip berýän giň şertleriniň netijesinde hususy işewürler ykdysadyýetimiziň dürli pudaklarynda üstünlikli iş alyp barýarlar. Ata Watanymyzy dünýäniň ösen döwletleriniň birine öwürmekde, içerki bazary ýurdumyzda öndürilýän önümler bilen üpjün etmekde, döwletimiziň eksport kuwwatyny artdyrmakda, ýokary tehnologiýalary we innowasiýalary önümçilige ornaşdyrmakda hususy pudagyň wekillerine uly orun degişlidir. Telekeçilerimiziň daşary ýurtlardan satyn alynýan önümleriň ornuny tutýan harytlary öndürmek, olaryň bäsleşige ukyplylygyny artdyrmak, elýeterliligini gazanmak boýunça guwandyryjy sepgitlere eýe bolýandyklaryny bellemek gerek. Munuň özi döwletimiziň ykdysadyýetiniň mundan beýläk-de gülläp ösmegini, haryt bolçulygynyň döredilmegini üpjün edýär. Döwlet tarapyndan berilýän goldaw-hemaýatlara, edilýän aladalara mynasyp zähmet görkezijileri bilen jogap bermek, hususy pudagyň öňünde goýlan il-ýurt bähbitli wezipeleri ak ýürekden ýerine ýetirmek telekeçileriň hemişe baş maksady bolup durýar.
Toýmämmet HAJYÝEW
