Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rü­niň yk­dy­sa­dy kuw­wa­ty­nyň, ählitarap­la­ýyn ösüş­le­ri­mi­ziň we ila­tyň ýa­şa­ýyş-dur­muş de­re­je­si­niň dün­ýä nus­ga­lyk keş­bi «akyl­ly» şä­her kon­sep­si­ýa­sy esa­syn­da bi­na edi­len Arkadag şä­he­ri­niň my­sa­lyn­da aý­dyň şöh­le­len­ýär. Türk­men hal­ky­nyň Milli Lideri Gahryman Arkadagymyzyň ägirt uly tagallasy we uzak gel­je­gi na­zar­la­ýan baş­lan­gy­jy bi­len bi­na edil­ýän döw­let äh­mi­ýet­li şä­her tä­ze tary­hy döw­rüň giň ge­rim­li şä­her­gur­lu­şyk tas­la­ma­sy bo­lup, ol hä­zir­ki za­ma­nyň döwre­bap «akyl­ly» teh­no­lo­gi­ýa­la­ry­nyň, in­no­wa­si­ýa­la­ry­nyň aras­sa eko­lo­gi­ýa gur­şa­wy bilen özboluşly saz­la­şy­gy­ny ala­mat­lan­dyr­ýan «ýa­şyl» şä­heriň aja­ýyp nus­ga­sy­dyr.

Hor­mat­ly Prezidentimiz: «Arkadag şä­he­ri döw­re­bap des­ga­la­ry bi­len ta­ry­hy­my­zyň al­tyn sahy­pa­la­ry­na ýa­zy­lar» di­ýip, örän jaý­dar bel­leýär. Çün­ki uly da­ba­ra bi­len açy­lanyna, ýa­ňy üç ýyl bo­lan bol­sa-da, şä­her­gur­lu­şyk tas­la­ma­sy­nyň giň ge­rim­de we çalt ýaýbaňlandyrylmagy bi­len, tä­ze şä­her bu gün­ki gün dün­ýä­niň ösen, döw­re­bap şä­her­le­ri­niň ha­ta­ryn­da my­na­syp orun eýe­le­ýär.

Arkadag şä­he­ri­niň «akyl­ly» hem-de «ýa­şyl» şä­her kon­sep­si­ýa­la­ry­na do­ly ky­bap gel­ýän­di­gi üçin ab­raý­ly hal­ka­ra guramalaryň en­çe­me güwänamalaryna, sy­lag­la­ry­na my­na­syp bolmagyn­da bu ugur­da dur­mu­şa ge­çi­ril­ýän giň ge­rim­li we uzak gel­je­gi na­zar­la­ýan iş­le­riň äh­mi­ýe­ti aý­dyň gö­rün­ýär. Bil­şi­miz ýa­ly, mun­dan üç ýyl ozal, Arkadag şä­he­ri­ne «Ýewropada Howp­suz­lyk we Hyz­mat­daş­lyk Gu­ra­ma­sy­nyň se­bi­tin­de dur­nuk­ly, «ýa­şyl», howa üçin oňaý­ly we in­no­wa­sion çöz­güt­li şä­her­le­ri ös­dür­mek» tas­la­ma­sy­na go­şul­ýan­dy­gy ba­ra­da­ky gü­wä­na­ma­nyň ber­len­di­gi­ni hem buý­sanç bi­len nyg­ta­mak ze­rur. Yk­dy­sa­dy Hyzmat­daş­lyk Gu­ra­ma­sy­nyň, Tür­ki me­de­ni­ýe­tiň hal­ka­ra gu­ra­ma­sy­nyň, Tür­ki Döw­let­le­riň Gu­ra­ma­sy­nyň, Ga­raş­syz Döw­let­le­riň Ar­ka­la­şy­gy­nyň, Tür­ki dün­ýä­niň in­že­ner­ler we arhitektor­lar bir­le­şi­gi­niň, BMG-niň Se­na­gat ösü­şi bo­ýun­ça gu­ra­ma­sy­nyň, Gin­ne­siň rekordlar ki­ta­by­nyň we beý­le­ki bir­nä­çe dü­züm­le­riň, ýö­ri­te­leş­di­ri­len eda­ra­la­ryň de­giş­li sylag­la­ry bi­len sy­lag­la­nyl­ma­gy Kö­pet­da­gyň ete­gin­de ke­ma­la ge­len Arkadag şä­he­ri­niň gurlu­şy­gyn­da ula­ny­lan öň­de­ba­ry­jy teh­no­lo­gi­ýa­la­ra, san­ly ul­ga­myň müm­kin­çi­lik­le­ri­ne, «akyl­ly» we «ýa­şyl» şä­her çe­me­leş­me­le­ri­ne, eko­lo­gik we bi­na­gär­lik aý­ra­tyn­lyk­la­ry­na dünýä jem­gy­ýet­çi­li­gi ta­ra­pyn­dan ýo­ka­ry ba­ha be­ril­ýän­di­gi­ni tas­syk­la­ýar.

Ýew­ro­pa­nyň Hil bar­lag­la­ry bo­ýun­ça jem­gy­ýe­ti­niň hil bo­ýun­ça baý­ra­gy we güwänamalary hem Arkadag şä­he­ri­niň no­bat­da­ky hal­ka­ra üs­tün­li­gi­dir. Tä­ze şä­he­riň bi­na­gär­lik we ekologiýa ta­lap­la­ry­na la­ýyk gel­ýän gör­ke­zi­ji­le­ri­ne ber­len bu ýo­ka­ry ba­ha ýur­du­myz­da durmu­şa ge­çi­ril­ýän döw­let sy­ýa­sa­tyn­da adam hak­da­ky ala­da­nyň ile­ri tu­tul­ýan­dy­gy­nyň aýdyň gü­wä­si­dir. Şeý­le hem ol tä­ze şä­he­riň ikin­ji tap­gy­ryn­da gu­rul­ýan luk­man­çy­lyk klasteri­niň önüm­le­ri­niň hal­ka­ra de­re­je­de yk­rar edil­ýän­di­gi­ni ala­mat­lan­dyr­ýar. Ýag­ny Arkadag şä­he­ri­niň luk­man­çy­lyk klas­te­ri­niň önüm­le­ri­niň hal­ka­ra de­re­je­de ha­sa­ba alyn­ma­gy, ola­ryň ha­ryt ny­şa­ny­nyň Bü­tin­dün­ýä In­tel­lek­tual Eýe­çi­lik Gu­ra­ma­sy­nyň Hal­ka­ra býurosynyň de­giş­li gü­wä­na­ma­sy esa­syn­da tas­syk­lan­ma­gy Milli Liderimiziň öňdengörüjilikli baş­lan­gyç­la­ry­nyň we eg­sil­mez yh­la­sy­nyň aý­dyň ne­ti­je­si­dir. Bu ugur­da amala aşy­ryl­ýan ägirt uly iş­le­ri, hil do­lan­dy­ryş ul­ga­myn­da öňe sü­rül­ýän baş­lan­gyç­lar we ga­za­nyl­ýan üs­tün­lik­ler üçin «Hil saý­la­wy — 2024» ny­şa­ny bo­lan «Dia­mond» de­re­je­si­ne my­na­syp sa­ýyl­ma­gy­nda-da aý­dyň gö­rün­ýär. Şeý­le hem munuň özi luk­man­çy­lyk klas­te­ri­niň sag­ly­gy go­raý­şa de­giş­li se­riş­de­le­ri­niň, ça­ga­lar iý­mit­le­ri­niň, zy­ýan­syz­lan­dy­ryş sar­gy­la­ry­nyň we sto­ma­to­lo­gi­ýa de­giş­li önüm­le­ri­niň hil de­re­je­si­niň hal­ka­ra öl­çeg­le­re la­ýyk gel­ýän­di­gi­ni ala­mat­lan­dyr­ýar.

Arkadag şä­he­rin­dä­ki Gurbanguly Berdimuhamedow adyn­da­ky ça­ga­lar sa­gal­dyş-di­kel­diş mer­ke­zin­de dö­re­di­len amat­ly şert­ler, giň müm­kin­çi­lik­ler ýur­du­myz­da ýaş ne­sil ha­kyn­da edil­ýän ala­da­la­ryň aý­dyň gü­wä­si­dir. Şeý­le hem şä­he­riň gör­kü­ne görk goş­ýan döw­re­bap lukman­çy­lyk en­jam­la­ry bi­len üp­jün edi­len 350 orun­lyk kö­pu­gur­ly has­sa­ha­na, 150 orun­lyk on­ko­lo­gi­ýa mer­ke­zi, 150 orun­lyk Enä­niň we ça­ga­nyň sag­ly­gy­ny go­ra­ýyş mer­ke­zi, «Tiz kömek» mer­ke­zi, sag­lyk öýi we beý­le­ki dü­züm­ler ýur­du­myz­da hal­kyň sag­ly­gy­ny äh­li zatdan ile­ri tut­ýan döw­let sy­ýa­sa­ty­nyň da­ba­ra­lan­ýan­dy­gy­ny tas­syk­la­ýar.

«Akyl­ly» şä­her şol bir wag­tyň özün­de ru­hy-me­de­ni gal­ky­ny­şyň hem-de ylym-bi­li­miň gülleýän me­ka­ny­dyr. «Ru­hy­ýet köş­gi», Aman Gul­mäm­me­dow adyn­da­ky döw­let dra­ma teat­ry, Döw­let­mäm­met Aza­dy adyn­da­ky Arkadag şä­her ki­tap­ha­na­sy, şöh­rat­ly ta­ry­hy­my­zyň aja­ýyp gym­mat­lyk­la­ry­ny aýap sak­la­ýan Ta­ry­hy we ül­kä­ni öw­re­niş mu­ze­ýi, Gö­rog­ly adynda­ky döw­let at­çy­lyk sir­ki we beý­le­ki­ler bu ha­ky­ka­ty äş­gär ed­ýän des­ga­lar­dyr. Aba Annaýew adyn­da­ky Hal­ka­ra at­çy­lyk aka­de­mi­ýa­sy, At­çy­lyk yl­my-önüm­çi­lik mer­ke­zi, Berdimuhamet Annaýew adyn­da­ky Arkadag şä­her mu­gal­lym­çy­lyk or­ta hü­när okuw mekdebi, Saç­ly Dur­su­no­wa adyn­da­ky Arkadag şä­her luk­man­çy­lyk or­ta hü­när okuw mekdebi, Sa­hy Jep­ba­row adyn­da­ky Arkadag şä­her ýö­ri­te sun­gat mek­de­bi, Şü­kür bag­şy adyn­da­ky Arkadag şä­her ça­ga­lar sun­gat mek­de­bi we beý­le­ki ýö­ri­te­leş­di­ri­len mek­dep­ler­dir ça­ga­lar bag­la­ry ýaş nes­le kä­mil de­re­je­de bi­lim we ter­bi­ýe ber­mek ug­run­da­ky ta­gal­la­la­ryň ro­waç­lan­ma­gy­na ýar­dam ed­ýär.

Kö­pet­da­gyň eteginde ýer­leş­ýän şä­her­dä­ki 258 sa­ny köp gat­ly, äh­li amat­lyk­la­ry bo­lan ýaşaýyş jaý­la­ry, şä­he­riň do­lan­dy­ryş-eda­ra ediş bi­na­la­ry­ny, şeý­le hem dün­ýä ül­ňü­le­ri­ne kybap gel­ýän sport top­lum­la­ry­ny, bi­lim we me­de­ni ojak­la­ry­ny, se­ýil­gäh­ler­dir şa­ýol­la­ry­ny syn­lanyň­da, göw­nüň gö­te­ri­lip, aja­ýyp döw­rü­mi­ze buý­san­jyň art­ýar.

Hä­zir­ki wagt­da şä­he­riň ikin­ji tap­gy­ry­nyň gur­lu­şyk iş­le­ri güýç­li dep­gin­de do­wam ed­ýär. Bu ýer­de je­mi 140-a go­laý dür­li mak­sat­ly bi­na­la­ryň we des­ga­la­ryň gur­lu­şy­gy göz öňün­de tutulan­dyr. Bu tap­gyr, esa­san, şä­he­riň se­na­gat, yk­dy­sa­dy we hyz­mat­daş­lyk kuw­wa­ty­ny berkit­mä­ge, in­no­wa­sion teh­no­lo­gi­ýa­lar we önüm­çi­lik bi­len bag­ly dü­züm­le­ri dö­ret­mä­ge gönük­di­ri­len­dir. Eko­lo­gi­ýa taý­dan aras­sa önüm­çi­lik kär­ha­na­la­ry we beý­le­ki dur­muş desgala­ry gu­rul­ýar. Şä­he­riň yk­dy­sa­dy we se­na­gat stra­te­gi­ýa­sy­nyň öze­ni­ni ýer­li çig mal­la­ra esas­lan­ýan we eko­lo­gik ta­lap­la­ra do­ly la­ýyk gel­ýän önüm­çi­lik­le­ri ýo­la goý­mak ýö­rel­ge­si düz­ýär. Şun­da ýö­ri­te dö­re­dil­ýän luk­man­çy­lyk klas­te­ri­niň or­ny ulu­dyr. Bu klas­ter ýurdumyzyň baý te­bi­gy se­riş­de­le­rin­den, ýer­li der­man­lyk ösüm­lik­le­rin­den we mi­ne­ral çig mal­la­ryn­dan peý­da­la­nyp, dün­ýä ba­za­ryn­da bäs­deş­li­ge ukyp­ly, ýo­ka­ry hil­li der­man we sagly­gy go­ra­ýyş mak­sat­ly se­riş­de­le­ri ön­dür­mä­ge müm­kin­çi­lik be­rer. Bu bol­sa milli der­man se­na­ga­ty­nyň da­şa­ry ýurt­lar­dan ge­ti­ril­ýän önüm­le­re ga­raş­syz­ly­gy­ny üp­jün et­mä­ge we eksport müm­kin­çi­lik­le­ri­ni gi­ňelt­mä­ge uly go­şant go­şar. Şu­nuň bi­len bir ha­tar­da, Çe­per haly­çy­lyk kär­ha­na­sy­nyň hem-de Türk­men ha­ly­sy­nyň we el iş­le­ri­niň milli mu­ze­ýi­niň gurulýan­dy­gy­ny aý­ra­tyn nyg­ta­mak ze­rur. Şöh­ra­ty dün­ýä do­lan türk­men ha­ly­çy­lyk sungatynyň ga­dy­my däp­le­ri­ni hä­zir­ki döwrüň teh­no­lo­gik müm­kin­çi­lik­le­ri bi­len ut­gaş­dyr­jak bu dü­züm­ler ýüz­ler­çe tä­ze iş orun­la­ry­nyň dö­re­dil­me­gi­ne ýar­dam eder. Ön­dü­ril­jek aja­ýyp ha­ly­lar di­ňe bir tä­ze şä­he­riň dur­muş bi­na­la­ry­ny be­ze­mek bi­len çäk­len­män, milli gymmatlyk­la­ry­my­zy bü­tin dün­ýä­de da­ba­ra­lan­dy­rar. Gu­rul­ýan nu­ra­na met­ji­t hem ýurdumyz­da pe­der­le­ri­mi­ziň ru­hy-ah­lak, sa­ha­wat­ly­lyk ýö­rel­ge­le­ri­niň my­na­syp do­wam etdiril­ýän­di­gi­ni ala­mat­lan­dyr­ýar. Onuň «Arkadagyň ru­hy met­ji­di» diý­lip at­lan­dy­ryl­ma­gy bag­ty­ýar il­deş­le­ri­miz­de uly ho­şal­lyk dö­ret­di.

Türk­men hal­ky­nyň Milli Lideri Gahryman Arkadagymyzyň hem-de Arkadagly Gahryman Serdarymyzyň ägirt uly ta­gal­la­la­ry bi­len, Arkadag şä­he­ri ata Wa­ta­ny­my­zyň be­dew bat­ly ösüş­le­ri­niň ça­wu­ny äle­me ýa­ýyp, aja­ýyp döw­rü­mi­ziň nu­ry bi­len bar­ha gö­zel­leş­ýär, ös­ýär, özgerýär.