Be­hiş­di be­dew­ler – türk­men hal­ky­my­zyň milli buý­san­jy, gym­mat­ly baý­ly­gy, yn­san gy­lyk­ly syrda­şy, we­pa­ly ýol­da­şy. Ahal­te­ke at­la­ry­na hor­matsar­pa­nyň Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de bi­möç­ber­di­gi­ne bol­sa şu ýy­lyň ýur­du­myz­da «Ga­raş­syz, ba­ky Bi­ta­rap Türkme­nis­tan – be­dew bat­ly at-my­ra­dyň me­ka­ny» diý­lip yg­lan edil­me­gi-de kem­siz su­but­na­ma­dyr. Gün­do­gar mü­çe­na­ma­sy bo­ýun­ça ýyl­ky, ýag­ny be­dew ýy­lyn­da olar bi­len bag­la­ny­şyk­ly çä­re­lere giň ge­rim be­ril­me­gi, el­bet­de, gu­wan­dy­ry­jy ýag­daý­dyr. Ýel­den ýyn­dam türk­men be­dew­le­riniň dost­luk­ly döw­let­ler­de ge­çi­ril­ýän ýa­ryş­la­ra, bäs­le­şik­le­re gat­na­şyp ga­zan­ýan üs­tün­lik­le­ri­niň bir-bi­ri­ne ulaş­ýan­dy­gy hem her bi­ri­mi­ziň buýsan­jy­my­za buý­sanç goş­ýar.

 Türk­men at­şy­nas­la­ry­nyň Öz­be­gis­tan Res­pub­li­ka­sy­nyň Daş­kent şä­he­rin­de «Gündo­ga­ryň mer­je­ni» ady bi­len ge­çi­ri­len at­ly sport we gö­zel­lik bäs­le­şik­le­rin­de ýo­ka­ry de­re­je­li baş baý­rak­la­ra my­na­syp bolma­gy mu­kad­des Ga­raş­syz­lygy­my­zyň şan­ly 35 ýyl­ly­gy belle­nil­ýän şöh­rat­ly ýy­lyň aja­ýyp wa­ka­la­ry­nyň üs­tü­ni ýe­tir­di. Bu bäs­le­şik­le­re ýur­du­myz­dan gat­na­şan ahal­te­ke be­dew­leri­niň, ola­ra erk ed­ýän us­sat ýaş­la­ry­my­zyň üs­tün­lik­li çy­kyş edip, «Azi­ýa­nyň çem­pio­ny» we «Dün­ýä­niň çem­pio­ny» di­ýen hor­mat­ly at­la­ra, beý­le­ki baýrak­ly orun­la­ra eýe bol­ma­gy diňe bir at­şy­nas­la­ry ýa-da be­dew jan­kö­ýer­le­ri­ni däl-de, her bir türk­me­nis­tan­ly­ny be­gen­dir­di. Türk­me­nis­ta­nyň Prezidentiniň Ahal­te­ke at­çy­lyk top­lu­my­na de­giş­li Do­wa­mat at­ly be­de­wiň dört we uly­ýa­şar at­la­ryň arasyn­da 1 müň 600 metr ara­ly­ga ge­çi­ri­len ça­py­şyk­da ýe­ňi­ji, şol at­çy­lyk top­lu­my­na de­giş­li Aý­gyt­ly di­ýen be­de­wiň bol­sa ahal­te­ke at­la­ry­nyň gö­zel­lik bäs­le­şi­gi­niň ab­sol­ýut ýe­ňi­ji­si bo­lup, Öz­be­gis­tan Res­publi­ka­sy­nyň Prezidentiniň baş baý­rak­la­ry – ýe­ňil aw­tou­lag­lar, ku­bok­lar, güwänamalar bi­len sy­lag­la­nyl­ma­gy türk­men bedew­le­ri­niň uly at-ab­ra­ýa eýe­digi­niň no­bat­da­ky su­but­na­ma­sy bo­lup da­ba­ra­lan­dy. Ahal­te­ke be­dew­le­ri­niň dün­ýä do­lan şöh­ra­ty­ny beýgel­den şan­ly wa­ka­la­ryň ýe­ne bi­ri bol­sa do­gan­lyk Tür­ki­ýe Res­pub­li­ka­syn­da bo­lup geç­di. Gahryman Arkadagymyzyň baş­lan­gy­jy bi­len dö­re­di­len «Gal­ky­nyş» milli at üs­tün­dä­ki oýun­lar to­pa­ry­nyň Stam­bul şähe­rin­de dün­ýä­niň 24 ýur­dundan müň­den gow­rak we­ki­liň gat­naş­ma­gyn­da Bü­tin­dün­ýä et­nos­port kon­fe­de­ra­si­ýa­sy ta­ra­pyn­dan ge­çi­ri­len 8-nji Hal­ka­ra et­nos­port me­de­ni­ýet fes­ti­wa­lyn­da çy­kyş edip, onuň ýo­ka­ry de­re­je­li baý­ra­gy­na myna­syp bol­ma­gy ýel­den ýüw­rük be­dew­le­ri­mi­ze bo­lan buý­san­jymy­za buý­sanç goş­dy.