Hä­zir­ki dö­wür­de Türk­me­nis­ta­nyň Se­na­gat­çy­lar we te­le­ke­çi­ler par­ti­ýa­sy ýur­du­my­zyň sy­ýa­sy ul­ga­mynda öz my­na­syp or­nu­ny eýelеýär. Mu­nuň şeý­le­di­gi­ni go­laý­da paý­tag­ty­myz­da ge­çi­ri­len Türk­me­nis­ta­nyň Se­na­gat­çy­lar we te­le­ke­çi­ler par­ti­ýa­sy­nyň no­bat­da­ky IV gu­rul­ta­ýy aý­dyň­ly­gy bi­len gör­kez­di.

Paý­tag­ty­myz­dan hem-de ýur­du­my­zyň äh­li we­la­ýat­laryn­dan gat­na­şy­jy­la­ry bir ýe­re jem­län gu­rul­ta­ýyň do­wamyn­da ge­çen dö­wür­de al­nyp bar­lan iş­le­re sel­jer­me be­ril­di. Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de Türkmenistanyň Senagatçylar we telekeçiler partiýasynyň öňün­de dur­ýan mö­hüm we­zi­pe­ler kes­git­le­nil­di, bir­nä­çe gu­rama­çy­lyk me­se­le­le­ri­ne ga­ral­dy. Gu­rul­ta­ýyň işi­ne gat­naş­ma­ga ýur­du­my­zyň sy­ýa­sy par­ti­ýa­la­ry­nyň we jem­gy­ýet­çi­lik gu­ra­mala­ry­nyň we­kil­le­ri, Mil­li Ge­ňe­şiň Mej­li­si­niň de­pu­tat­la­ry, köpçü­lik­le­ýin ha­bar be­riş se­riş­de­le­ri­niň we­kil­le­ri hem ça­gy­ryl­dy. Türk­me­nis­tan­da te­le­ke­çi­lik ul­ga­my­ny hem­me­ta­rapla­ýyn ös­dür­mek, hä­zir­ki za­ma­nyň ba­zar gu­ral­la­ry­ny giň­den or­naş­dyr­ma­gyň ha­sa­by­na hu­su­sy ul­ga­myň eýele­ýän or­nu­ny ýo­kar­lan­dyr­mak hor­mat­ly Pre­zi­den­ti­miz Ser­dar Berdimuhamedowyň alyp bar­ýan dur­muş-yk­dy­sady sy­ýa­sa­ty­nyň ile­ri tu­tul­ýan ugur­la­ry­nyň bi­ri­dir. Döw­let Baş­tu­ta­ny­my­zyň yk­dy­sa­dy stra­te­gi­ýa­sy­na la­ýyk­lyk­da, türkmen hu­su­sy­ýet­çi­li­gi­ne mil­li yk­dy­sa­dy­ýe­ti se­na­gat­laş­dyr­makda, dün­ýä ba­zar­la­ryn­da bäs­deş­li­ge ukyp­ly önüm­le­ri ön­dürmek­de top­lum eme­le ge­ti­ri­ji ugur­la­ryň bi­ri hök­mün­de ga­ral­ýar. Hä­zir­ki wagt­da Türk­me­nis­tan­da ki­çi we or­ta işe­wür­li­gi saz­laşyk­ly ös­dür­mek, hu­su­sy baş­lan­gyç­la­ry gol­da­mak üçin hu­kuk, sy­ýa­sy, ma­li­ýe hem-de dur­muş taý­dan oňyn şert­ler dö­re­dil­di. Hor­mat­ly Pre­zi­den­ti­mi­ziň Döw­let Mas­la­ha­tyn­da eden çy­ky­şyn­da bel­leý­şi ýa­ly, ýo­ka­ry hil­li, bäs­deş­li­ge ukyp­ly önüm­le­ri ön­dür­mek, azyk bol­çu­ly­gy­ny dö­ret­mek, se­na­gat kär­ha­na­la­ry­ny, hä­zir­ki za­man söw­da mer­kez­le­ri­ni, döw­re­bap oba­la­ry gur­mak bo­ýun­ça öňü­miz­de go­ýan we­zi­pe­le­ri­mi­zi ama­la aşyr­mak­da hu­su­sy pu­da­ga uly orun de­giş­li­dir. Döw­let Baş­tu­ta­ny­myz yk­dy­sa­dy­ýe­tiň hu­su­sy ul­ga­my­nyň mun­dan beý­läk-de yzy­gi­der­li gol­da­nyl­jak­dy­gy­ny nyg­ta­ýar. Hor­mat­ly Pre­zi­den­ti­mi­ziň baş­tu­tan­ly­gyn­da ýur­du­myz­da sy­ýa­sy-de­mok­ra­tik öz­gert­me­ler üs­tün­lik­li ama­la aşy­ryl­ýar. «Sy­ýa­sy par­ti­ýa­lar ha­kyn­da» Türk­me­nis­ta­nyň Ka­nu­nyn­da be­ýan edi­li­şi ýa­ly, sy­ýa­sy par­ti­ýa­la­ra döw­le­ti we ýer­li özözü­ňi do­lan­dyr­mak­da halk we­kil­çi­li­gi­niň üs­ti bi­len ama­la aşy­ryl­ýan de­mok­ra­tik do­lan­dy­ryş iş­le­ri­ne ka­nun esa­syn­da gat­naş­ma­ga şert dö­re­dil­ýär. Şeý­le wa­jyp iş­ler­de Türk­menis­ta­nyň Se­na­gat­çy­lar we te­le­ke­çi­ler par­ti­ýa­sy wa­tan­çy­lyk ru­hu­nyň, sy­ýa­sy er­kiň we halk bäh­bit­li iş­le­re dö­re­di­ji­lik­li çe­me­leş­me­giň oňat nus­ga­sy­ny gör­kez­mä­ge ça­lyş­ýar. Hä­zir­ki dö­wür­de ýur­du­my­zyň se­na­gat­çy­la­ry we te­le­keçi­le­ri öz ön­dür­ýän önüm­le­ri, hö­dür­le­ýän hyz­mat­la­ry, ýe­ri­ne ýe­tir­ýän se­na­gat, gur­lu­şyk, oba ho­ja­lyk iş­le­ri bi­len içer­ki ba­zar­da pug­ta orun eýe­läp, özü­ni ta­na­dan hu­su­sy kär­hana­la­ryň, te­le­ke­çi­le­riň, se­na­gat­çy­la­ryň ha­ta­ry­nyň bar­ha artýan­dy­gy­ny gu­wanç bi­len bel­le­mek müm­kin­dir. Olar mil­li we hal­ka­ra ma­li­ýe-yk­dy­sa­dy ka­nun­la­ry­ny, hu­kuk düz­gün­le­ri­ni yzy­gi­der­li öz­leş­dir­ýär­ler. Hu­su­sy işi gu­ra­ma­gyň, gi­ňelt­me­giň, ha­ryt­la­ry we hyz­mat­la­ry ýer­leş­dir­me­giň, me­nej­men­tiň we ma­ha­bat iş­le­ri­niň öň­de­ba­ry­jy tej­ri­be­le­ri­ni ynam­ly ele al­ýar­lar. Ba­zar gat­na­şyk­la­ry­nyň bin­ýat­lyk esas­la­ry­ny ke­ma­la ge­tirmek­de döw­let bi­len te­le­ke­çi­le­riň iş­le­ri­niň ut­gaş­dy­ryl­ma­gy bi­len, ýyl-ýyl­dan ge­ri­mi­ni gi­ňeld­ýän hu­su­sy eýe­çi­lik­de ösüş ýol­la­ry anyk­laş­dy­ryl­ýar, kes­git­li hä­si­ýe­te eýe bol­ýar. Türk­men işe­wür­le­ri öz top­lan tej­ri­be­le­ri­ni, yk­dy­sa­dy-mali­ýe güýç­le­ri­ni di­ňe bir çalt peý­da ga­za­nyp bol­ýan iş­le­re dälde, döw­le­ti­mi­ziň, hal­ky­my­zyň gül­läp ösüş­le­ri üçin bäh­bit­li, has ge­rim­li iş­le­re gö­nük­di­rip baş­la­dy­lar. Döw­let ta­ra­pyn­dan te­le­ke­çi­lik iş­le­ri­niň gol­da­nyl­ma­gy, onuň ösüş­le­ri­ni çalt­landyr­mak ba­ra­da dö­re­dil­ýän ze­rur şert­ler te­le­ke­çi­le­re mö­hüm döw­let mak­sat­na­ma­la­ry­ny, tas­la­ma­la­ry ýe­ri­ne ýe­tir­mä­ge öz müm­kin­çi­lik­le­ri bi­len giň­den gat­naş­ma­ga giň ýol aç­ýar.